Gizonezkoetan lehen mailan sei bikotek jokatu dute ligaxka, eta orain finalerdien txanda izango da. Arregi's bikoak Etxeberria-Urruzmendi bikoaren aurka jokatuko du, eta Eskudero-Loidi bikoak Luixa's bikoaren aurka. Datorren astean jokatuko dituzte finalerdiak.
Gizonezkoen bigarren mailan 23 bikote izan dira lehian, txapelketan zehar eta aste honetan final-laurdenetako fasean daude murgilduta. Hauek izango dira partidak: Loidi-Etxeberria bikoa Pagoaga-Amiano bikoaren aurka, Xalbador's bikoa Alberdi-Aranberriren aurka, Badiola-Viana bikoa Esoain-Lizaso bikoaren kontra, eta Gereñu-Belauntza bikoa Landa-Olazabal bikoaren aurka. Partida horietako irabazleek jokatuko dituzte datorren astean finalerdiak.
Emakumezkoetan lau bikote lehiatu dira, eta ligaxka jokatu ondoren, finalera zuzenean Karrera-Murua bikoa pasatu da. Bigarren eta hirugarren geratu diren Lopez-Aldasoro eta Luluaga-Balerdi bikoek finalerdia jokatuko dute datorren astelehenean, 18:00etatik aurrera.
Berazubiko pilotalekuan jende ugari elkartzen da azken fase honetan partidak ikusteko. Aurtengo finalak uztailaren 24an jokatuko dira, 18:00etatik aurrera.