Pixkanaka, zentimetroka, pertikako Gipuzkoako marka hobetzen ari da Ander Martinez de rituerto atleta tolosarra. Asteburuan ezarri du marka berria, eta 5,50 metrotara iritsi da (bideoko lehen jauzia). Ondoren 5,60 metrotan jarri listoia eta gutxigatik ez zuen lortu marka berria (bideoan bigarren jauzia). Proban laugarren postua lortu zuen.
Hain justu, lau egun aurretik, ekainaren 30ean, Martinez de Rituertok 5,47 metrotan ezarri zuen marka. Aurretik 5,42 metroko marka maiatzaren 27an eta 5,46 metroko marka ekainaren 14an, biak Iruñean, lortu zituen. Tolosarra gero eta gorago ari da jartzen absolutu mailako Gipuzkoako marka, eta 5,60 metroko langa pasatzeko hain gertu dagoela ikusita, agian aurten beste marka berri bat ezarriko du.