Andre Mari elizaren aurrealdeko lehen dantzen ondotik, Alde Zaharrean agurtu dute prozesioa hainbat eskopetari konpainiak. Segidan joan dira Euskal Herria plazara, eta, muturreko beroa dela-eta, bi agurretara mugatu dute bertako jarduna.
Arratsaldeko ekitaldietan ere aldaketak izango dituzte. Plaza Zaharretik abiatuta, udalbatzak, Udal Txistulari Bandak, Udal Musika Bandak, bordondantzariek eta eskopetariek 16:40ean egin ohi duten ibilbidea –Andre Maria, Arramele, Trianguloa plaza eta Zumardiaundia– 17:20era atzeratu dute, eta Andre Maria plazara joango dira.