Martxan jarri zen atzo areto futboleko XXXVIII. CMO Valves Txapelketa Usabal kiroldegian. Gaur partidak hainbat orduz ez dira jokatuko, alerta gorria ezarrita baitago muturreko tenperaturengatik. Hori horrela eta antolakuntzak erabakita, 12:00etatik 20:00etara ez da partidarik jokatuko. 12:00ak arte jokatuko dira, eta gero 20:00etatik 21:00etara bitarte jarraituko dute txapelketarekin.
Tolosa CF klubak antolatzen du txapelketa, eta talde ugari parte hartzen ari dira: alebin mutilen 17 dira taldeak, alebin nesketan 5, benjamin mutiletan 19 eta benjamin nesketan 5 talde. Bihar izan ezik, San Joan eguna dela eta, egunero izango dira partidak, eta finalak igandean jokatzekoak dira. Gaur hainbat partida ez direnez jokatuko, aldaketaren bat izan daiteke egutegian.