Tolosaldeko Arraun Kluba izan da aurtengo sanjoanetako txupinazoa botatzeko ardura izan duena. Taldeko ordezkaritza bat atera da balkoira, eta «gora sanjoanak!» oihu egitearekin batera bota dute suziria, Iraunkorrak txaranga plaza girotu duen bitartean. Ondoren dantzatu dute erraldoiek, ohi bezala dotore eta bildutakoen txalo zaparrada jaso dute amaieran.
Helduen Eguna da gaurkoa, eta bazkalostean dantzaldian zeuden bitartean izan da Plaza Zaharrean txupinazoaren unea. Plaza Berrira igaroko da festa, 20:00etatik aurrera, Nhil taldearen kontzertuarekin. 22:30ean, berriz, Plaza Zaharrean zezen suzkoa izango da, eta 23:00etan Añube taldearen kontzertua Plaza Berrian.