Urtero moduan, San Joan jaien aurretik, festak ospatuko dituzte Tolosako Iurreamendi egoitzan. Ekainaren 14tik 19ra izango dira, eta egun horietarako askotariko ekintzak antolatu dituzte. Lehen egunean, igandean, bazkari berezia egingo dute, eta astelehenean, txupinazoa. Musika saioek eta askotariko jolasek osatzen dute ondorengo egunetako egitaraua.
Gainera, goizero, langileek abesti bat abestuko dute megafoniatik, eta hilaren 16an omenaldia egingo diete egoiliarrei eta erretiratutako langileei. Egoitzako langileek egoiliarrak festaren parte izatea nahi dute. Horretarako, festetako zapiak egin dituzte, eta harreran eskuratu daitezke.
Iurremandi egoitzako festetako egitaraua:
- Ekainak 14, igandea
- 14:00. Bazkari berezia.
- Ekainak 15, astelehena
- 10:30. Txupinazoa.
- 11:00. Pelikula, kafetegian.
- 17:00. Nagusilaneko Bi Bost taldearen emanaldia, elizan.
- Ekainak 16, asteartea
- 11:00. Lask abesbatzaren kontzertua elizan, eta 4 urtekoen bisita egoitzara.
- 17:00. Txokolatea eta 90 urte bete dituzten egoiliarrei eta erretiratutako langileei omenaldia kafetegian.
- Ekainak 17, asteazkena
- 11:00. Galdera jolasa Laskorain ikastolako ikasleekin, kafetegian.
- 16:00. Jolasak, kafetegian.
- 17:30. Iurreamendiko abesbatzaren emanaldia, kafetegian.
- Ekainak 18, osteguna
- 11:00. Bingo berezia, kafetegian.
- 16:45. Alaitu abesbatzaren emanaldia, elizan.
- Ekainak 19, ostirala
- 11:00. Meza.
- 11:45. Diploma banaketa, elizan.
- 18:00. Irurako Onintza abesbatzaren emanaldia, elizan.