Tolosako Udalaren 2027ko egutegia osatzeko antolatzen den Tolosanklisk argazki lehiaketan parte hartu daiteke. Tolosanklisk.tolosa.eus webgunearen bitartez parte hartu ahalko da, irailaren 30a bitarte, eta aurtengo gaia mugimendua izango da.
Parte hartzaileek Tolosan erroldatuta egon behar dute. Partaide bakoitzak, gehienez, bost argazki aurkeztu ahal izango ditu, etzanak edo horizontalak, eta 2 eta 10 Mb arteko pisua dutenak. Argazkietan, lehenengo edo erdiko planoan, norbait azalduko balitz, pertsona horren baimen esplizitua aurkeztu beharko da.
Urriaren 9tik aurrera tolosanklisk.tolosa.eus webgunean ikusi ahal izango dira aurtengo lehiaketako argazki irabazlea eta 12 finalistak. Saritutako argazkiek 2027ko Tolosako egutegia osatuko dute. Gainera, egutegiaren azalerako argazkiaren egileak 600 euroko saria izango du eta, egutegiko hilabete bakoitzeko argazkien egile bakoitzak 200 eurokoa.