Adin guztietako musikariek hartu dituzte Tolosako kaleak euren eszenatokitzat gaurkoan. Edonolako doinuak entzun dira kalez kale zein plazaz plaza. Musikari gazteenak familiako zaleak atzean zituztela, ibili dira batetik bestera musika joz.
Asko eta asko izan dira 10:00etatik aurrera goizari musika jarri diotenak. Esaterako, Tolosako dultzaineroak, Giro Arte dultzaina taldea, Iraunkorrak txaranga, Udaberri fanfarrea, Eduardo Mokoroa musika eskolako ikasleak, Konponezinak txaranga, Tolosako txistulariak, Tolosa Kantari, Isidro Larrañaga akordeoi orkestra, Diversitu, Hodeiertz abesbatza, eta abar luze bat.
