Ibaiko zubien begietan zuhaitzak kendu edo inausiko dituztenez, pasabidea baldintzatua egongo da gaur eta bihar Iurramendi pasealekua eta Araba etorbidea lotzen dituen zubian (SAM zubian) 08:30etik 15:00etara, bai eta zezen plaza ondoko zubian, Andre Mari elizaren ondoan eta Arramelen bi gunetan. Azkenengo horretan, trafikoa ez da oztopatuko.
Oria ibaiko lanak ostegunean eta ostiralean egingo dituzte. Araxes ibaian, berriz, bisoi europarraren ugalketa-zikloa dela eta, ezin izango dira lan horiek egin abuztura arte.