Gipuzkoako V. Erroten Eguna

Tolosan kokatutako Gipuzkoako Artxibo Orokorrak erroten egunarekin bat egin nahi izan du, eta bisita gidatu bat antolatu du. Bisitan zehar, bertako lana zertan datzan azalduko dute eta artxiboko hainbat gune ezagutuko dituzte bisitariek, publiko orokorrarentzako sarbide mugatuko eremuak barne. Horrez gain, errotak protagonista diren hainbat dokumentu ere erakutsiko dira. Aldez aurretik izena eman behar da 671 744 203 telefonora deituta.