Tolosako Udala Nafarroa etorbidea berritzen hasiko da bihar. Asfaltatze lanak egingo dituzte erdiguneko kalean, eta maiatzaren 4ra arte iraungo dute. Tarte horretan guztian itxita egongo da kalea, eta eragina izango du trafikoan.
Etorbidea ixtearen ondorioz, zenbait autobus lineak ere aldaketak izango dituzte, zehazki, Lurraldebusenek. Autobusak ez dira geldituko Tolosako erdiguneko (Rondilla kalea, San Frantzisko pasealekua eta zezen plazan) autobus geltokietan, eta ibilbide hau egingo dute: Larramendi - Ibaiondo - Santa Klara (autobus geltokia) - Kondeaneko aldapa (autobus geltokia) - Martin Jose Iraola - Paper kalea - Iurreko biribilgunea. Gero, ohiko ibilbidearekin jarraituko dute, Larramendira arte.
Udalak aurreratu du lan horiek sor ditzaketen eragozpenak ahalik eta gehien murrizteko eskura dituen neurri guztiak hartuko dituela.