Tomate landareak osasuntsu edukitzeko kontuan hartu beharrekoak azaltzeko tailerra antolatu dute Tolosako Baratze Parkean. Apirilaren 13an egingo dute 18:00etatik 19:30era, eta baratzeetako erabiltzaileez gain edozein gerturatu daiteke bertara.
Furgobaratza ekimenaren barruko tailerra izango da, eta oraingo honetan, tomateen landaketa distantzia, zaintza eta tratamenduen ingurukoak aipatuko dituzte. Gainera, parte hartzaileek, tomate landareak jasoko dituzte oparitan. Ohiko zerbitzua ere emango dute egun horretan Tolosako Baratze Parkean.
Aurrera begirakoak
Furgobaratza zerbitzu ibiltaria da, tutoretza eta produktu ekologikoen salmenta eskaintzeko sortua. Aisialdirako baratze eremu publikoetan zehar mugitzeko sortu zen, baina baita mota ezberdinetako ekitaldi zein azoketan baratzegintza eta lorezaintza ekologikoa sustatzeko ere.