Alpino Uzturre taldeko Jokin Uribetxeberria mendi korrikalari legazpiarra hil da gaur goizean, Gorostiaga (Korosti) mendira bidean, Mataburros izenarekin ezagutzen duten aldapa pikoaren inguruan. Osasun zerbitzuak noranahiko ibilgailu batean igo dira paraje horretara, baina ezin izan dute erreanimatu.
Orain lau bat urte sartu zen Uribetxerria Tolosako Alpino Uzturre mendi lasterketa taldean. Urtarrilean aurtengo taldearen aurkezpena egin zuten, eta bertan izan zen. Aurreko astean Cangasen (Asturias, Espainia) lasterketa izan zuen, eta urtero bezala mendi denboraldian murgilduta zebilela azaldu du taldeak.