Kataluniako dantza taldea larunbat eguerdian iritsiko da Tolosara, eta 17:30ean Tolosako Plaza Berrian egingo du emanaldia Udaberriren ikastaroetako haur eta gaztetxoekin batera. Igandean, berriz, herria ezagutuko dute. Udaberri dantza taldea, berriz, ekainaren 5ean joango da Torrelles de Llobregatera.
Kataluniako dantza taldeak aurten 60 urte bete baditu ere, aspaldikoa da Udaberrirekin duen harremana. 2005ean egin zuten lehen elkartrukea Udaberrik eta Esbart Sant Martik. Tolosako Babarrun festa zela eta etorri ziren kataluniarrak dantzara, dantzari tolosarrek, berriz, Torrelles de Llobregateko Gerezien jaian dantzatu zuten. Ordutik, 2012an eta 2017an ere elkartu dira.