Berazubi auzoko zubitik Isabelita gunera kalejira egin dute sudurgorriek. Lasko txarangak eta Anoetako Anitz dantza taldeak parte hartu dute gunean eman duten emanaldian.
Aurten zezen plazara joan ez direnek ere izan dute dibertimendua. Arratsaldeko lehen orduan Berazubiko zubitik sudurgorriak atera dira kalejiran Isabelita guneraino. Pirritx eta Porrotx pailazoek Lasko txarangarekin eta hainbat herritarren laguntzaz egin dute bidea.
Ondoren, Isabelita gunean pailazoek dantza ikuskizuna eman dute haurrentzat. Anoetako Anitz dantza taldeko kideak izan dira sudurgorriekin batera oholtza gainean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!