Urteko lehen azoka berezia izan da gaur Trianguloa plazan. 30. urtez egin dute Zuhaitz Azoka, eta bederatzi postu jarri dituzte. Horietatik zazpi mintegien salmenta postuak izan dira, eta beste biak Gipuzkoako Baso Elkarteak eta Eusko Jaurlaritzako herritarrentzako ingurumen hezkuntza zerbitzuaren Aztertu programak jarritakoak.
Bada, eguraldiak lagundu ez duen arren, jendearen joan-etorria etengabea izan da. Postuetako loreak nahiz zuhaitzak ikusteko aitzakian joan dira asko Triangulora, eta beste batzuk, berriz, etxera euren gustuko landarea erosita itzuli dira.