Elkarteak zorioneko jarraitzen du aurten ere. Garai zailak dira iraupen eskia praktikatzeko, eta horren erakusgarri da gaur egun Alpino Uzturre taldea dela Euskal Herriko talde bakarra, Ipar Irrintzi eta Uharte nafarrekin batera. Praktika hau bultzatzailea izan zen klubaren sorreran, eta, horregatik, bizirik irauteko lanean jarraitzen dute. Horretarako, taldeak Tolosako Udalaren eta Panelfisa Groupen ezinbesteko laguntza jasotzen du.
Taldearen denboraldiaurrea irailean hasi zen, gurpil gaineko eskiarekin, azaroaren hasierara arte. Ondoren iraupen eskiaren lehiaketak hasi ziren, eta martxora arte iraungo dute.
Abenduan eta urtarrilean, klubak teknifikazio jardunaldiak antolatu zituen gazteentzat. Bertan, profesional tituludunak egon ziren jarduera horiek zuzentzen.
Denboraldi honetarako Alpino Uzturrek 14 eta 16 urtez azpiko mailetako parte hartzaileak ditu. Maila horietan, Espainiako txapelketak lehiatuko dira. U18 kategorian nazioarteko txapelketetan ere lehiatuko dira, hain zorrotza den lehiaketa batean ahalik eta postu altuena lortzeko.