Aurtengo lehen korrikalariek hartu dute goizean San Frantzisko pasealekua. Izan ere, Ero-Etxe elkarteak urtero antolatzen duen krosa ospatu dute goizean. Hogeita hamazazpigarren edizioa izan da aurtengoa, urteroko arrakastarekin. Horren erakusle izan da lasterketak izan duen parte hartze maila handia eta errepidearen bi aldeetan zegoen jende andana.
Eskualde mailan antolatzen den urteko lehen lasterketa izaten da Tolosakoa, eta beraz, tradiziozko hitzordua bilakatu da korrikalari askorentzat. Parte hartzaile gehienak tolosarrak izan badira ere, eskualdeko beste herrietatik edota Gipuzkoako beste ikastetxeetatik ere hurbiltzen dira lasterketa egitera.
Ohi mopduan, sei lasterketa egin dituzte guztira; infantil mailako (2012/2013) mutil eta nesken probak izan dira lehenak, eta hauek 1.900 metro egin behar izan dituzte; alebin mailako (2014/2015) mutil eta nesken probak izan dira ondoren, eta hauek 1.400 metro egin dituzte; eta, azkenik, benjamin mailako (2016/2017) mutil eta nesken probak izan dira, 1.100 metrorekin.
Sailkapenak aurrerago jakinaraziko dira.
