T3T maratoian dortsalak beti bezala salduko dira, izen ematea egiten den ordenaren arabera. T2T lasterketan, ordea, zozketa egitea erabaki dute antolatzaileek aurten, eskaera handia dagoela ikusita. Urtarrilaren 7an zabaldu zen izen-ematea eta bihar gaueko 23:59ak bitartean izango da izena emateko aukera.
Astebetera zozketa bat egingo dute dortsalak banatzeko eta euren sareetan zabalduko dute onuradunen zerrenda. Ondoren izen ematea nola egin behar den azalduko dute. Kronoak.com webgunean eman daiteke izena proba batean zein bestean.