1945ean edo lehenago jaiotako tolosarrek, hau da, iaz 80 urte edo gehiago bete zituztenek, hitzordu garrantzitsua dute datorren urtarrilaren 24an. Zenbait erretirodunen ekimenez, eta Harizpe elkartearen laguntzaz, Urte berria, ekimen berria egitasmoa antolatzen ari dira. 2026a hasteko, egun atsegin eta maitagarri bat igaro nahi dutenei, etxean ez geratzeko eskatu diete. «Guri ere gustatzen zaigu elkarrekin egotea», adierazi dute antolatzaileek.
13:00etan izango da hitzordua Harizpe Erretirodunen Zentroan. Herrian buelta bat eman eta gero, 14:00etan itzuliko dira zentrora, bertan bazkaltzeko. Bazkarirako txartelak zentroko tabernan daude salgai, 30 euroren truke.