Meltxor, Gaspar eta Baltasar erregeak iritsi dira Tolosara. Goizean, Gure Zirkuan izan dira haur eta gaztetxoen gutunak jasotzen. Jaiotza lehiaketan parte hartu duten Herrikide ikastetxeko ikasleek ere euren lanak erakutsi dituzte bertan.
Familia ugari gerturatu dira Gure Zirkura eta haiei harrera beroa egin diete Errege Magoek.
Arratsaldean hainbat herritan izango dira.
- Tolosa: 18:00. Kalejira.
- Alegia: 18:00. Errege desfilea.
- Irura: 18:00. Errege Magoen kalejira. Txokolate beroa eta goxokiak banatuko dira.
- Amasa-Villabona: 18:30. Errege kabalgata, Amasatik hasita.
- Anoeta: 18:30. Errege Magoen etorrera Anoetako Txistulari taldearekin, eta haurrei gozokiak banatzea Zimiterioan.
- Bidania-Goiatz: 18:30. Errege Magoen desfilea. Ondoren. Gutun goxoki trukea.
- Asteasu: 19:00. Erregeen etorrera pilotalekuan.
- Lizartza: 19:30. Erregeen etorrera Zimiterioan.