Paco Sanchez Sarian benjamin eta alebin mailako 300 igerilari inguruk parte hartu zuten, zazpi taldetakoak: Fortuna, Buruntzaldea, Ordizia, Izarraitz, Zarautz, Taosa eta Tolosaldea. Etxeko taldeko 80 igerilari aritu ziren. Domina ugari lortu eta erreleboko irabazleak izan ondoren, Tolosaldea IKT izan zen Paco Sanchez Sariko irabazlea.
Goizean, Neguko Ligako proba egin zen, infantil, junior eta absolutu mailako igerilariekin. Ordizia, Igartza eta Tolosaldea taldeek parte hartu zuten. Jardunaldi positiboa izan zela esan dute Tolosaldea IKTko arduradunek: «Oraindik gauzak hobetzeko daude, baina igerilariak bide onetik doaz. Ia denek beraien markak hobetzen edo berdindu zituzten, eta hurrengo asteko nesken Espainiako Koparako garrantzitsua izan zen saioa».
