Tolosako II. Argazki Rallya arrakastaz ospatu da aurten ere, 61 parte-hartzaile bilduz. Sari banaketa Tolosako Kultur Etxeko areto nagusian egin da, eta ekitaldian Goiuri Ezeiza zinegotzia egon da, Tolosako Udala ordezkatuz. Bertan jakinarazi dira aurtengo irabazleak:
-
Lehen saria: Ruben Caceres
-
Bigarren saria: Gurutze Langarika
-
Hirugarren saria: Fernando Pradini
-
Bertako argazkilari onena: Ana Pradini
-
Gazte saria: Aritz Izagirre
Aurtengo rallyak bost gai izan ditu, ipuin klasikoetan oinarrituak eta parte-hartzaileei ikuspegi sortzaileak bilatzeko aukera eman dietenak:
A – Hiru txerritxoak (Eraikin zaharrak)
B – Txanogorritxo (Amona(k))
C – Edurnezuri eta zazpi ipotxak (Sagarra(k))
D – Erpurutxoa (Makroa)
E – Aladino (Merkatua)
Parte-hartzaileek argazkiak Tolosako udalerrian bertan atera behar izan dituzte, rallyaren araudia zorrotz betez: kontrol-argazkia, ediziorik eza eta formatu tekniko zehatzak.
Tolosaldeko Argazkilari Elkarteak eskerrak eman dizkie parte hartu duten guztiei eta argazkigintzaren aldeko ekimena indartzen jarraituko duela adierazi du.