Pasa den asteburuan, XXXVII. Akordeoi Jaialdia ospatu zen Arrasaten. Azken urteetan bezala, Tolosako Eduardo Mokoroa Udal Musika Eskolako akordeoi ikasleek parte hartu dute aurtengo edizioan, Koldo Tarragona irakasleak gidatuta.
Hiru gaztetxok parte hartu dute. Maddi Errazkinek urrezko domina jaso du hastapeneko hirugarren mailan; bestetik, Izar Gartziak eta Bidatz Elolak, zilarrezkoa lortu dute bigarren mailan.
«Halako esperientziak erronka bat dira ikasleentzat, akordeoiaren inguruan gehiago ikasi eta publikoaren aurrean aritzen ikasteko», adierazi dute musika eskolako irakasleek.