Azken urteetan egin moduan, Mugi Tolosa egitasmoak datorren urterako egutegia prestatu du. Proiektuan parte hartzen duten herritarrak dira, hain zuzen ere, egutegiko irudien protagonista, eta urtean zehar egindako jarduerak islatzen ditu, hala nola, adinekoen artean ohitura osasuntsuak sustatu asmoz, astero antolatzen dituzten irteerak eta beste zenbait jarduera.
Gaur hasi dira egutegiak banatzen, Zerkausian. Bihar eta etzi ere banatuko dituzte, doan, ondorengo ordutegian: 10:30-12:30. Gerora, alerik soberan geldituz gero, Usabal kiroldegian eta Udaten izango dira eskuragai.