Tolosako Gazte Asanbladako Egurra borroka taldeak egun osoko jaialdia egin zuen larunbatean, eta, estreinakoz, kirol ikuskizuna egin zuten bertako kideek. Goizean, Gimnasioak eta antifaxismoa hitzaldia izan zuten eta bazkaltzeko bildu ziren ondoren.
Arratsaldean, berriz, kirol ikuskizuna egin zuten Uzturpe pilotalekuan. Guztira, bederatzi bikote igo ziren ringera eta boxeo zein kickboxing erakustaldiak egin zituzten. Eskualdeko kirolariak ziren gehienak, eta erakustaldi guztiek babes zabala jaso zuten publikoaren aldetik.