Hondakinak Prebenitzeko Europako Astearen barruan, Hondakinak Prebenitzeko Azoka Berezia egin dute goizean Trianguloa plazan. Hilean behin Berdura plazan eta Zerkausian egiten duten bigarren eskuko gauzen azoka, lekuz aldatu dute, beraz, gaurkoan. Herritarrek egoera onean utzitako objektuen salmentarako postua ere egon da.
Azokarekin batera, LabPaper Tolosa elkarteak artisau papera egiteko tailerra antolatu du. Prozesua hasieratik bukaerara arte ikusteko aukera izan dute bertaratu diren gaztetxoek.