Tolosako Gazte Asanbladak eta Egurra Borroka Taldeak Egurrako II. Jaialdia antolatu dute. Larunbatean egingo da, eta egitarauak egun osoa hartuko du.
Alondegia plazan hasiko dira, eta 12:00etan Gimnasioak eta antifaxismoa hitzaldia izango da. Ondoren, 14:00etan, bazkaria egingo dute.
Arratsaldeko ekitaldiak Uzturpe pilotalekuan egingo dituzte. 17:00etan kirol ikuskizuna egingo dute, eta ondoren DJ Bizirik eta Ostikoka taldea ariko dira. Ezpala gaztetxean jarraituko dute egunarekin. 22:30ean kontzertuak hasiko dira, Lepue zapaldu eta Iltze taldeekin. 00:30ean, DJ Watsu B2B eta Eneko Zubiriaren txanda izango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!