Beotibarren hezetasuna zegoenez, aurreratu egin dute gaur arratsaldean jokatu den binakako partida. Hala, jaialdiko lehenengoa izan da Artola eta Imaz bikoak Laso eta Albisuren aurka jokatu dutena. Hasiera borrokatua izan arren, azkenean Laso eta Albisu izan dira lehen puntua gehitu dutenak, 14-22ko emaitzarekin.
Binakako Pilota Txapelketaren lehen jardunaldia jokatu dute asteburuan, eta orokorrean eskualdeko pilotariek emaitza positiboak lortu dituzte. Jaka eta Iztueta bikoak garaipena lortu du tanto batengatik Larrazabal eta Mariezkurrena II.a bikoaren aurka. Altuna III.a eta Ezkurdia bikoak erraz irabazi diote Peio Etxeberria eta Rezusta bikoari 22-5ko markagailuarekin.
Txapelketako beste partidan Elordi eta Zabaleta bikoak bere lehen puntua lortu zuen, Zabala-Martija bikoari 22-13 irabazita. Lehen jardunaldiaren ondoren, beraz, Altuna III.a-Ezkurdia bikoa da sailkapen buru, aurkako tanto gutxien jaso dituelako.
Binakako Serie B Txapelketan, Gabirondo eta bere aurrelari Murua sailkapen buru jarri dira, Rekalde-Bikuñari 22-9 irabazita. Ugartemendiak eta bere aurrelari Senarrek ere lehen puntua lortu dute, Peña II.ari eta Salaverri II.ari 14-22 irabazi eta gero.