Titirijai jaialdiaren aurkezpen ekitaldian izan da lehen aldiz Ainara Martin, Topic-eko zuzendari bezala. «Gaur da nire hasiera ofiziala, eta lehenik eskerrak eman nahi ditut egin zaidan harreragatik»; horiek izan diren Martinen lehen hitzak. Ondoren, kulturaren inguruan hausnarketa hau utzi du: «Kultura tripetatik sortzen den zerbait da, tripak mugiarazten dituena. Gero burura pasatzen da, pentsamendu kritikoa sortu behar duelako. Kultur eragileok tripetatik sortzen dugu errekurtso oso gutxirekin, askotan, eta pentsatu nahi dut gizartean legatu handia uzten dugula; horrek ematen dit aurrera egiteko indarra».
Topic-eko zuzendari izatea erronka oso polita dela gaineratu du, eta museoa herrira nahiz kanpora begira egoteagatik goraipatu du.