Pilotari profesional bezala hiru urte bete berritan, Martxel Iztueta atzelari tolosarrak beste bi urtez sinatu du Baikorekin, 2029ra arte. Datozen lau urteetarako ilusioz gainezka dagoela aitortu du Iztuetak: «Oso eskertuta nago nigan jarri duten konfiantzagatik, eta hobetzen jarraitu nahi dut».
Profesionaletan egin dituen lehen urteei dagokienez, Iztuetak oso positibotzat jo ditu: «Hiru urte oso politak izan dira, eta bide horretatik jarraitu nahi dut». Igande honetan bertan jokatuko du Bilbon, Lasorekin batera, Lau eta Erdiko Eusko Label Txapelketako finalaren atariko partidan, Elordi-Rezustaren aurka.