Donostiako Nazioarteko Krosean emaitza oso onak lortu dituzte Tolosa CF Atletismoko atletek. Idoia Arrospidek 20 urtez azpikotan irabazi zuen, eta Ekhi Civico hirugarrena izan zen 18 urtez azpikotan. Horrez gain, taldekako sailkapenean emakumezkoen 16 urtez azpiko taldea eta gizonezkoen 18 urtez azpiko taldea Espainiako Taldekako Txapelketan egongo dira. Txapelketa hori azaroaren 23an egingo da, Atapuerkan. Absolutu mutilek hirugarren postua lortu zuten taldeka, eta erreserba moduan geratu dira txapelketarako.