Urtero moduan, ATARIAk batzarra egin du komunitateko kideekin batera. Galtzaundi euskaltzaleen elkartearen egoitzan izan zen atzo, eta proiektuaren egoeraren berri emateaz gain, aurrera begirako helburuak eta erronkak jendaurrean aurkeztu ziren.
Erronken artean, teknologia berrietara egokitu beharra nabarmendu zuten ATARIAko ordezkariek. Hain justu, dagoeneko martxan den aplikazio berria, sare sozialetarako bereziki sortzen den edukia edota PDF aberastua aipatu zituzten adibide moduan.
Udaletako eta elkarteetako ordezkariak nahiz herritarrak bertaratu ziren, eta informazioaren tartearen ostean, solasean jarraitu zuten, jan-edanak lagundurik.