June Aranburu bigarren izan zen absolutu mailan eta lehenengoa 18 urtez azpikoan. Magali Lekuek, berriz, bosgarren postua lortu zuen absolutu mailan eta hirugarrena 18 urtez azpikoan. Master mailako Harkaitz Lavega senior mailan lehiatu zen, eta ezin izan zuen finalerdietara pasatu; master mailan hirugarren izan zen.
Gaztetxoetan ere maila bikaina erakutsi zuten Alpino Uzturrekoek. Libe Curras lehenengoa izan zen eta Inge Arin bigarrena 16 urtez azpiko mailan. Azkenik, Iker Aranburu izan zen irabazlea 14 urte azpiko mailan. Maila guztietan, emakumezkoetan zein gizonezkoetan, 1.030 metroko ibilbidea egin zuten parte hartzaileek.
Iruñeko proba Espainiako Koparen azkena izan zen. Hori horrela, Espainiako Koparen behin betiko sailkapenak ondorengoak dira: 14 urtez azpiko mutiletan, Iker Aranburu bigarren izan da; 16 urtez azpiko nesketan, Libe Curras lehenengo eta Inge Arin bigarren; eta 18 urtez azpiko nesketan, June Aranburu bigarren.