Txakurrentzako parke bat erabilgarri dago Iurre auzoan. Eremu horretan parke bat egiteko eskari ugari jaso ditu udalak. Hori dela eta, gune bat egokitu dute Paper kalearen eta Iurramendi pasealekuko etxe berrien arteko belardian.
Parke eta lorategiak partekatzerakoan sortzen diren elkarbizitza-arazoak ekiditea da helburua. Horregatik, pertsonen erabilerarako mugatuagoa den espazio batean egin da parke berria, baina txakurrentzat aproposa izan daiteke.
Dagoeneko itxitura egin dute, baina lan gehiago aurreikusten ditu udalak, besteak beste, panel informatiboak jartzea. Gunea arduraz eta txukun erabiltzea eskatu dute.