Aurtengo Berazubiko jaietan danborrada arratsaldez egin dute. Tolosako auzoan gero eta haur eta gazte gehiago dagoenez, lekua egin nahi izan diete, eta danborrak ederki astindu dituzte. Bihar izango dute jaietako azken eguna eta beste berrikuntzetako bat izango da: I. Paella Txapelketa.
Biharko egitaraua
- 09:15. Diana auzoko kaleetan zehar, Tolosako Txistulari Bandaren eskutik.
- 11:30. Emakumezkoen toka plazan.
- 12:30. Udaberri eta Valladolideko (Espainia) Viana de Cega dantza taldeen emanaldia.
- 14:30. Paella txapelketa.
- Ondoren. Bazkaria eta Primo Bayo.
- 18:30. Patata tortilla erraldoia.
- 20:15. Kalejira lokaletik plazara arratoiarekin.
- Ondoren. Arratoiaren erretzea.