Urriaren 15erako sindikatuek deitu dituzten lanuzteen harira, zenbait ekintza antolatu ditu Tolosaldeko Gazte Koordinadora Sozialistak. Horietako bat, agintarien, mobilizazioen eta Palestinako sarraskiaren irudiekin eta zenbait mezurekin osatu duten erakusketa da.
Bestetik, Palestinaren Aldeko Gazte Komiteak sortu ditu Tolosaldeko GKS-k. Sare sozialetan adierazi dute «Israelen desegitea exijitzeko, bi estatuen irtenbide faltsua salatzeko, agintarien konplizitatea seinalatzeko eta palestinar erresistentzia babesteko» eratu dituztela. Egunotan, saioak egiten ari dira eskualdean. Ostegunean Ibarran egin zuten, atzo Anoetan, eta gaur goizean, Atxulondon. Azkena, gaur arratsaldean izango da, 16:30ean, Ezpala gaztetxean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!