Sindikatuak, CIG eta Intersindicalekin batera, Euskal Herriko, Galizako eta Kataluniako gobernuei, eta Espainiako exekutiboari eta Europar Batzordeari eskatzen diote Israelgo estatu genozidarekin dituzten harreman militar, komertzial eta diplomatikoak bertan behera utz ditzatela. «Hiru sindikatuon lankidetzaren zutabea da erabakitzeko eskubidearen defentsa eta lehentasuna ematea langileriaren baldintzak hobetzeko borrokarako lan eta gizarte-marko propioei», esan du. Esan du «premiazkoa» dela genozidioa geldiaraztea eta nazioarteko zuzenbidea aplika dadila eskatu du, «batik bat herrien autodeterminazio eskubidea, Palestina guztian zehar, Jordan ibaian hasi eta Mediterraneo itsasoraino, errefuxiatu guztiek etxera itzultzeko eskubidea bermatuz».
ELA sindikatuak elkarretaratzea egingo du bihar, urriak 3, 12:45ean Tolosako Trianguloan, Israeli boikota egitea eskatzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!