Dagoeneko martxan da 2025eko Jarduera Ekonomikoen gaineko Zergaren borondatezko epealdiko kobrantza kanpaina, azaroaren 10era bitarte. Banku-helbideratzeen aldaketak urriaren 24ra arte (egun hori barne) onartuko dira. Aipatutako data baino lehen bankuan helbideratutako agiriak, zergadunak esandako kontutik kobratuko dira zuzenean, ordaintzeko borondatezko epea amaitzen den egunean. Helbideratu gabeko ordainagiriak, berriz, zergadunak adierazitako helbidera bidaliko dira urrian zehar.
Ordainketa bi modutara egin daiteke. Batetik, entitate laguntzaileen bidez (banku, aurrezki kutxa eta kreditu kooperatiba); horretarako, ordainagiria aurkeztu beharko da. Bestetik, internet bidez, Nire ordainketa atalean. Ordaintzera joaterakoan, hurrengo agiriak banku edo aurrezki kutxa horietan helbideratzeko aukera dute herritarrek.
Urriaren 17rako zergadunak agiria bere helbidean jasotzen ez badu, udaleko Zerga Bilketa bulegoan eskatu ahal izango du. Epea amaitu ondoren, premia bideari ekingo zaio, eta ordaindu ez diren agiriak errekargua izango dute. Hala, atzerapenagatik sortutako interesak eta kostuak ere zergadunei kobratuko zaizkie.