Argizaiola Argazki Lehiaketako 2024ko lan onenen argazki erakusketa izango da, urriaren 1etik 18ra Aranburu jauregian. Argizaiola Euskal Herriko Argazki Taldeen Federazioak antolatzen duen lehiaketa da, eta hainbat sariketatan hobekien sailkatutako euskal argazkilarien lanak biltzen ditu. Tolosako Targazki elkarteak antolatutako Tolosa Herria da sariketa horietako bat.
Lehiaketako saridunen argazkiekin eta gainerako parte hartzaileen lanen aukeraketa batekin osatutako erakusketa da Aranburun ikusi ahal izango dena. Tartean, Elena Marquez tolosarraren eta Ruben Caceres Targazkiko kidearen lanak ere izango dira. Iazko 44. Edizioan, Andres Basilio izan zen irabazlea, eta bi akzesitak Juan Antonio Palacios eta Igor Altunarentzat izan ziren.
Aranburu jauregiaren ohiko ordutegian bisitatu ahal izango da erakusketa, asteartetik larunbatera, 17:30etik 20:30era, jai egunetan izan ezik.