San Migel jaiak ari dira ospatzen Tolosako Aldaba auzoan. Goizean, toka txapelketa jokatu ostean, bazkari herrikoia egin dute, trikitilariek girotuta.
Meza nagusiaren ostean, toka txapelketa jokatu dute pilotalekuan. Punteria doitzen ibili dira auzotarrak, eta ez dira gutxi izan bertan parte hartu dutenak. Lanak amaituta, tripa betetzeko txanda izan da eta herri bazkaria egin dute pilotalekuaren bueltan. Trikitilariek girotu dute eguna.
Bihar, meza nagusiaren ostean, erretirodunen hamaiketakoa eta karta jolasak egingo dituzte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!