Tolosako Udal Musika Bandak hasi du ikasturtea, eta bihar, irailak 27, kurtsoko lehen kontzertua egingo du, Zerkausian. 18:30ean hasiko da emanaldia, eta bertara joaten diren entzuleek munduan zehar bidaiatzeko aukera izango dute. Izan ere, Oporrak munduan zehar izenburua jarri diote kontzertuari, eta ondo adierazten duen moduan, askotariko herrialdeetako melodiak interpretatuko ditu bandak.
Besteak beste, Irlanda, Estatu Batuak, Venezuela, Arabia eta Afrikako doinuak entzun ahal izango dira Zerkausian, baita Munduari bira 80 egunetan obra ezaguna ere. Guztira, 8 pieza interpretatuko ditu bandak, eta horietatik hiru, lehen aldiz. Enrike Arostegik zuzenduko du taldea.