Berazubi auzoa 1957an eraikitzen hasi zen arren, 1965eko irailaren 9a izan zen Martin Jose Iraola kalea inguratzen duten etxebizitzak dozenaka familiaren aterpe goxo bilakatu zirenean. 60 urte hauetan asko aldatu da kale kantoi horietako bizitza, baina denborak ez du auzotarren arteko harremana hoztu. Datu horiek gogora ekarrita, pasa den ostegunean beren auzo kuttunaren urteurrena abiatu zuten.
Gaur, esaterako, azoka eguna izan dute eta arrakastaz ospatu dute gainera. Martin Jose Iraola kalean barrena 20 postu baino gehiago izan dira. Jendetza elkartu da horien bueltan eta denetariko produktuak ikusi, dastatu eta erosteko aukera izan da. Mokadu baterako aukera ere eskaini dute auzo elkarteko kideek.
Eguerdian, auzo bazkaria egingo dute eta arratsaldean ere izango da zertaz gozatu. Hona hemen gaurko egitaraua:
- 16:30. Pantxo Balbuena.
- 17:30. Bisita erraldoien etxera.
- 19:30. Partyman umeentzako.