Tolobolei elkarteak antolatuta, XV. Hondartzako Boleibol Txapelketa Mistoa jokatzen ari dira, aste honetan, Tolosako Euskal Herria plazan. Gaur, urteurren berezia baliatuz, egun tematikoa ospatzen ari dira; Brasil da aukeratu duten gaia.
Hori dela eta, iluntzeko une batean, ligaxkako partiden artean, jolasak egin dituzte, lehenik haurrentzat, eta ondoren, helduentzat, eta tartean, futboleian jokatu dute. Bihar, 09:30etik hasiko dira kanporaketak, eta finala 20:00ak inguruan hastea espero dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!