Ezbeharra 11:00ak aldera gertatu da Tolosako Ibaiondo kalean. Elkar jo dute autobus eta auto batek, eta autoko gidaria zendu da.
Gazte bat zendu da gaur goizean Tolosan izandako auto istripu batean. Antza, 11:00ak aldera elkar jo dute auto batek eta autobus batek Ibaiondo kalean, eta autoko gidaria zendu da. Hedabide batek jakitera eman duenez, autobusak ez zuen bidaiaririk barruan.
Momentuz, ikertzen ari dira ezbeharraren nondik norakoak. Bestalde, Lurraldebusek jakinarazi du bertan behera geratuko direla momentuz Ibaiondo kaleko 1. eta Larramendi kaleko 8. helbideetako geralekuak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!