Agurra dantzatu diete, eta bertan izan dira txaranga eta txistulariak ere. Barra eta sukalde barrutik agurtu dituzte bezeroak Josunek eta Ramonek, Asteasuarra tabernako arduradunek. Dozenaka herritar bertaratu dira biak agurtzera, eta bete-bete egin dira nola taberna, hala kalea.
Ateak ez ditu betirako itxiko, ordea, Asteasuarra tabernak eta aurkeztu dute erreleboa hartuko duena ere: Ella Bogatir [argazki galeriako bigarren argazkian, erdian]. Bogatirrek eta alabak kudeatuko dute aurrerantzean taberna, eta hasieran laguntzen arituko zaie Ramon. «Ilusioz eta gogoz beterik gaude. Ramonen laguntza oso baliagarria izango da hasieran, ez baitaukagu eskaintza asko aldatzeko intentziorik».