Astelehenean jokatu ziren Berazubi Pala Txapelketako lehen finalerdiak, Tolosako Berazubi estadioko frontoian. Gizonezkoen lehen mailako finalerdian, Odei-Goitia bikoa 30-22 gailendu zen Luixa anaien aurka. Bigarren mailako finalerdian, berriz, Aranburu-Mitxelena bikoak 30-22 irabazi zion Pagoaga eta Landak osatutako bikoteari.
Gizonezkoen lehen mailako eta emakumezkoen bigarren finalerdiak atzo jokatu zituzten. Gizonezkoetan, Zubiria-Inda bikoak eskuratu zuen finalerako txartela, Urdangarin-Luluaga bikoteari 30-22 irabazita. Emakumezkoen finalerdian, Lopez-Aldasoro bikoa 30-18 nagusitu zen Karreraren eta Muruaren aurka.
Berazubi Pala Txapelketako finalak, bihar 18:00etan hasita jokatuko dira, eta gizonezkoen bigarren mailako finala jokatuko da lehendabizi. Zurutuza-Manterloa VS. Aranburu-Mitxelena bikoek neurtuko dituzte indarrak.
Ondoren, emakumezkoen elite mailako finalaren txanda izango da. Ekhiñe-Uxue bikoak, Lopezen eta Aldasororen aurka jokatuko dute finala.
Azkenik, gizonezkoen lehen mailako finala jokatuko da. Odei-Goitia eta Zubiria-Inda bikoen artean erabakiko da Berazubiko 57. Pala Txapelketaren garailea nor den.