Rolleskian, Munduko Kopako lehen asteburua jokatu da Madonan (Letonia), eta Imanol Rojo tolosarrak bi probetan hartu du parte: estilo klasikoko 10 kilometrokoan eta 20 kilometroko iraupenekoan.
Estilo klasikoko 10 kilometroko proban lortu zuen asteburuko emaitzarik honena Rojok, hirugarren postuan helmugaratu baitzen, probako garailea izan zen Martin Himma estoniarrarengandik zortzi segundora. 20 kilometroko iraupenekoan, berriz, azken esprintean erabaki ziren lehen bederatzi postuak, eta Rojok seigarren amaitu zuen.