Gijonen jokatu da asteburuan hegats igeriketako Espainiako Txapelketa. Bertan, Igarondo Urpekoak taldeko hamar igerilarik parte hartu dute, eta horietatik seik lortu dute dominak irabaztea. Irati Lakunzak lau domina eskuratu ditu: 200 metro eta 400 metro ur azpikoan urrezkoak, 100 metroko ur azpikoan zilarrezkoa, eta taldekako 4x200 metroko erreleboan brontzezkoa, Haizea Izagirre, Sara Goenaga eta Maite Gibelalderekin batera.
Haizea Izagirrek, errelebo proba horretaz gain, beste lau domina irabazi ditu. Horietatik hiru zilarrezko izan dira; 100 metro, 200 metro eta 400 metroko ur gaineko probetan. 50 metroko ur gainekoan aldiz, brontzezkoa lortu du.
Unai Eraso eta Nora Kamio igerilariak ere domina bana irabazi dute. Erasok, 400 metroko ur azpikoan zilarrezkoa lortu du eta Kamiok, berriz, brontzezkoa 50 metroko ur gainekoan.
Patxi Mongek, Mikel Estebanek, Aras Karakusek eta Gregorio Mancisidorrek osatu dute Igarondo Urpekoak taldearen partaidetza.