Uztailaren 1ean abiatu zen Euskarabentura Atharratzetik. Zazpigarren edizioa du aurten gazteen hizkuntza ohituretan eragin eta gazte euskaldunenen sarea elikatzen jarraitzea helburu duen ekimenak.
Euskal Herri osoko 126 gazte ari dira parte hartzen, horietatik, bost eskualdekoak (4 tolosarrak eta belauntzar bat). Abenturan parte hartzen ari diren begiraleetako bi ere tolosarrak dira. Ia 800 kilometro egin ostean, uztailaren 31n bukatuko da ekimena Getxon. Gaur, Tolosara iritsi dira, eta bihar goizean, harrera egingo diete Tolosako udal ordezkariek Zerkausian. Ondoren, Oiartzunerako autobusa hartuko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!